Энергетика вазирлиги ва “Ўзбекистон миллий электр тармоқлари” АЖ Ўзбекистонда электр энергиясини ишлаб чиқаришни ошириш мақсадида ўтказаётган тендерлардан навбатдагисида таклиф сўрови (Request for proposal - RFP) босқичи бошланганлигини эълон қилади.
Тендер Халқаро молия корпорацияси техник кўмагида Энергетика вазирлиги, Инвестициялар ва ташқи савдо вазирлиги ҳамда Молия вазирлиги ҳузуридаги Давлат-хусусий шерикликни ривожлантириш агентлиги томонидан ўтказилмоқда.
Тендер Бухоро (250 МВт), Наманган (150 МВт) ва Хоразм (100 МВт) вилоятларидаги умумий қуввати 500 МВт бўлган 3 та станцияни ўз ичига олади. Ғолиб бўлган инвестор қуёш фотоэлектр станциясини лойиҳалаш, молиялаштириш, ишлатиш, сақлаш ва шартнома муддати охирида станцияни топшириш ёки бузиб беришни амлга оширади. Бухоро шаҳридаги станцияда 2 соат давомида 63 МВтдан жами 125 МВт.соат электр энергияси бероладиган энергия сақлаш аккумулятор тизимини қуриш ҳам белгиланган.
2022 йил 30 март куни ушбу тендернинг биринчи босқичи “талабларга мувофиқлик” тугаб, ундан ўтган иштирокчиларнинг рўйхати эълон қилинган. Энди таклиф сўрови босқичи ҳужжатлари талабларга мувофиқлик босқичидан ўтган 11 нафар иштирокчига (алифбо тартибида) улашилади:
1. Abu Dhabi Future Energy Company PJSC – Masdar (БАА) – Йирик ҚФЭС
2. Alarko Holding AS (Туркия) – Ўрта ҚФЭС
3. Elsewedy Electric S.A.E. (Миср) – Ўрта ҚФЭС
4. GD Power – Powerchina Consortium (ХХР) – Йирик ҚФЭС
5. International Company for Water and Power Projects - ACWA Power (Саудия Арабистони) – Йирик ҚФЭС
6. Jinko Power Technology Co. Ltd. (ХХР) – Йирик ҚФЭС
7. Nebras Power QPSC (Қатар) – Йирик ҚФЭС
8. ReNew Power Private Limited - Ajlan & Bros Energy Company Консорциум компания (Ҳиндистон ва Саудия арабистони) – Йирик ҚФЭС
9. Solarpack Corporación Tecnológica S.A. (Испания) – Йирик ҚФЭС
10. TBEA Xinjiang SunOasis Co. (ХХР) – Йирик ҚФЭС
11. Voltalia SA (Франция) – Кичик ҚФЭС
Бу танловда аввал Бухоро вилоятида станциясига ғолиб инвесторни топиш учун, малакаси етарли бўлган (Йирик ҚФЭС белгили) иштирокчилардан тушган таклифлар қаралади. Бухоро вилоятидаги станцияни қуриш ҳуқуқини ютган инвестор Наманган вилоятидаги станция (ўрта) учун танловда иштирок этолмайди. Унда Бухорода станцияни ютолмаган ва ўрта станция қуришга малакаси етарли деб топилган инвесторлар иштирок этаолади. Ҳудди аввалгидаги каби, Наманган станциясини ютган инвестор Хоразм вилоятидаги станция учун инвестор танловида иштирок этолмайди. Бундай бўлиниш уччала станция қурилиши бир инвестор қўлига йиғилса ва у инвестор муаммога учраса, уччала лойиҳа бирданига муаммоли бўлиб қолишини олдини олиш учун қилинди.
Танлов иштирокчилари RFP тақдим этиш муддати 2022 йил 10 октябрь куни Тошкент вақти билан соат 16:00да эканлигини инобатга олишлари керак.
Агар ҳужжатни юклаб олишда қийинчиликларга дуч келсангиз, қуйидаги манзилларга мурожаат қилишингиз мумкин:
Ўзбекистон Республикаси Энергетика вазирлиги
Халқаро Молия Корпорацияси
Ўзбекистон Республикаси
Энергетика вазирлиги Матбуот хизмати
1624
